Karoline Brevik sitter og venter i en sykehuskorridor

8 veker – ein film om å leve med ulcerøs kolitt

Karoline Brevik (20) er student og lev med den kroniske betennelsessjukdommen ulcerøs kolitt.

Tekst og foto: Ingvild Bakken

Sommaren 2010 vart sjukdommen oppdaga.

– Då byrja eg å kjenne at eg hadde skikkelege magesmerter. Eg måtte legge meg ned i fosterstilling og tenkte kva er dette her, fortel Karoline.

Vanskeleg å setje diagnose

Då smertene ikkje ga seg kontakta ho legesenteret. Etter å ha vorte undersøkt vart ho sendt heim. Same dag fekk ho ein telefon frå legen om at ho måtte på sjukehuset med ein gong. Så vart ho innlagt  i over ei veke.

Karoline Brevik sitter i sofaen med to store esker

Innhaldet i den øverste eska fortel om livet med ein kronisk sjukdom. Den andre er full av medisinar. Foto: Ingvild Bakken

– Der tok dei mange testar. Men det tok lang tid før eg fekk svar på kva det var. Til slutt fekk eg vite at tarmen min var veldig betent, og at eg hadde sjukdommen ulcerøs kolitt. Det er ein kronisk sjukdom, seier Karoline.

LES OGSÅ: Crohnprinsessen ingen kan målbinde

Intravenøs behandling

Ulcerøs kolitt er ein kraftig betennelse som rammar tjukktarmen, og kan spreie seg til resten av tarmane. I befolkninga er 2-3 av 1000 personar ramma av sjukdommen.

Karoline prøvde ut mange medisinar før legane fann ut kva behandlingar som passa ho best. I ein periode gjekk ho på 12 ulike medisinar samstundes.

– No tar eg tre tablettar om dagen. I tillegg går eg på sjukehuset kvar åttande veke, der eg får medisin intravenøst, fortel ho.

LÆR MER OM ULCERØS KOLITT HER!

Livet med ulcerøs kolitt kan være svært smertefullt. Logg deg inn med medlemsnummeret ditt og se filmen 8 veker, hvor Karoline Brevik forteller om sitt liv med den kroniske tarmsykdommen. Artikkelen fortsetter under filmen.

DET KOSTER 200 KRONER I ÅRET Å BLI FAST LESER AV SPONDYLITTEN

Rammar andre organ

Karoline fekk og brannkoppar i ansiktet som følgje av sjukdommen. Igjen måtte ho innleggast på sjukehuset i over ei veke.

– Brannkoppane var noko av det verste med sjukdommen. Du vil jo vere fin, du vil jo vere perfekt liksom. Så får du utbrot i heile ansiktet.

Karoline Brevik sitter ved kjøkkenbordet med bøker og PC

No studerer Karoline barnevernspedagogikk ved Høgskulen i Volda. Foto: Ingvild Bakken

20 prosent av dei som er ramma av sjukdommen opplev plager i andre deler av kroppen i tillegg. Dette kan føre til leddsmerter, augebetennelse, leverbetennelse og hudutslett.

– Det var skikkeleg tungt, då var eg langt nede. Heile ansiktet mitt var fullt i sår, og eg kjente ikkje meg sjølv igjen. Ansiktet var så opphovna at eg ikkje såg tennene mine på fleire dagar.

Påverkar studiane

No studerer Karoline barnevernspedagogikk ved Høgskulen i Volda.

Ho fortel at ho vert fortare sliten, og at dette gjer skulearbeid ekstra tungt. Elles kjenner ho seg som ein vanleg student.

– Eg har rett på ekstra tid på eksamen, men eg føler ikkje at eg treng å nytte meg av det. Viss eg hadde gjort det hadde eg følt meg annleis. Eg er jo som alle andre.

Eg er jo som alle andre.

LES OGSÅ: Kosthold med LavFODMAP kan lindre mageplagene

Bedre no

Karoline skjemtes over sjukdommen, og skjulte den på ungdomskulen og vidaregåande.

I dag tenkjer ho ikkje så mykje på at ho er sjuk.

– Før var det veldig tungt, men no eg det bra, seier ho med eit smil.

LES MER OM HVORDAN DET ER Å LEVE MED ULIKE SPONDYLOARTRITTER HER!